ಮನುಷ್ಯನ ದೇಹದ ಆರೋಗ್ಯ ಮಾತ್ರವಲ್ಲದೆ ಲೈಂ,ಗಿಕ ಆರೋಗ್ಯವು ಮುಖ್ಯವಾಗಿರುವುದು. ಇವೆರಡು ಇದ್ದರೆ ಆಗ ಪರಿಪೂರ್ಣ ಜೀವನ ಸಾಗಿಸಬಹುದು. ನಮ್ಮ ಆರೋಗ್ಯದೊಂದಿಗೆ ಜನನೇಂದ್ರಿಯಗಳ ಆರೋಗ್ಯವು ಅತೀ ಅಗತ್ಯ ಮಹಿಳೆಯರು ತಮ್ಮ ಯೋನಿ ಭಾಗದಲ್ಲಿ ಶೇವಿಂಗ್ ಮಾಡಿಕೊಳ್ಳುವಾಗ ತುಂಬ ಎಚ್ಚರದಿಂದ ಮುಂದುವರೆಯುವುದು ಒಳ್ಳೆಯದು. ಪುರುಷರಿಗೆ ಅಥವಾ ಮಹಿಳೆಯರಿಗೆ ಜನನಾಂಗದ ಭಾಗ ತುಂಬಾ ಸೂಕ್ಷ್ಮವಾಗಿರುತ್ತದೆ. ಹಾಗಾಗಿ ಅಲ್ಲಿ ಸ್ವಚ್ಛ ಮಾಡಿಕೊಳ್ಳುವುದು ಅಥವಾ ರೇಸರ್ ಬಳಕೆ ಮಾಡುವ ಸಂದರ್ಭದಲ್ಲಿ ತುಂಬಾ ಎಚ್ಚರಿಕೆಯಿಂದ ಇರತಕ್ಕದ್ದು. ಅದರಲ್ಲೂ ಮಹಿಳೆಯರ ದೇಹದ ಚರ್ಮ ಪುರುಷರಿಗಿಂತ ಹೆಚ್ಚು ಸೂಕ್ಷ್ಮತೆಯನ್ನು ಹೊಂದಿರುವುದರಿಂದ ಶೇವಿಂಗ್ ಮಾಡುವಾಗ ಬಳಸುವ ರೇಸರ್ ಬಗ್ಗೆ ಗಮನ ಕೊಡುವುದು ಮಾತ್ರವಲ್ಲದೆ ತಮ್ಮ ಜನನಾಂಗದ ಚರ್ಮದ ಬಗ್ಗೆ ಹೆಚ್ಚು ಕಾಳಜಿಯನ್ನು ವಹಿಸುವುದು ಒಳ್ಳೆಯದು. ಕೆಲವು ಮುಖ್ಯವಾದ ವಿಷಯಗಳನ್ನು ನಾವು ಈ ಲೇಖನದ ಮೂಲಕ ತಿಳಿದುಕೊಳ್ಳೋಣ.
ಮುಖ್ಯವಾಗಿ ನೀವು ಬಳಸುವ ರೇಸರ್ ಬಗ್ಗೆ ಗಮನವಿರಲಿ. ಮಾರುಕಟ್ಟೆಗಳಲ್ಲಿ ಮಹಿಳೆಯರು ಬಳಸಬಹುದಾದ ರೇಸರ್ ಗಳು ಲಭ್ಯವಿವೆ. ಹಾಗಾಗಿ ಸಿಕ್ಕ ಸಿಕ್ಕಂತಹ ರೇಸರ್ ಗಳನ್ನು ತೆಗೆದುಕೊಳ್ಳುವ ಬದಲು ಅಂತಹ ರೇಸರ್ ಆಯ್ದುಕೊಳ್ಳುವುದು ಒಳ್ಳೆಯದು.
ನೀವು ಬಳಸುವ ರೇಸರ್ ನಿಮ್ಮ ಚರ್ಮದ ಮೇಲೆ ಯಾವುದೇ ಗೀರುಗಳನ್ನು ಉಂಟುಮಾಡಬಾರದು. ಲೇಸರ್ ನಲ್ಲಿ ಹೆಚ್ಚು ಬ್ಲೇಡ್ ಗಳು ಇದ್ದರೆ ವಾಸಿ. ಏಕೆಂದರೆ ಇದು ಕಡಿಮೆ ಬಲದೊಂದಿಗೆ ಯಶಸ್ವಿಯಾಗಿ ಕೆಲಸ ಮಾಡುತ್ತದೆ.ಈಗ ಕೋವಿಡ್-19 ಸಮಸ್ಯೆ ಇರುವುದರಿಂದ ನೀವು ಯಾವುದೇ ರೇಸರ್ ಬೆಳಕೆ ಮಾಡುವ ಮುಂಚೆ ಮೊದಲು ಅದನ್ನು ಸ್ಯಾನಿಟೈಸರ್ ನಿಂದ ಸ್ವಚ್ಛ ಮಾಡಿ ನಂತರ ಉಪಯೋಗಿಸಿದರೆ ಉತ್ತಮ.
ಶೇವಿಂಗ್ ಮಾಡುವ ಮುಂಚೆ ಮಾಡಬೇಕಾದ ಕೆಲಸ ಎನು ಎಂದರೆ , ಮೊದಲಿಗೆ ನೀವು ನಿಮ್ಮ ಯೋನಿಯ ಭಾಗದ ಚರ್ಮವನ್ನು ಸಿದ್ಧಪಡಿಸಿಕೊಳ್ಳಬೇಕು. ಅಂದರೆ ಸ್ವಲ್ಪ ಉಗುರು ಬೆಚ್ಚಗಿನ ನೀರಿನಿಂದ ತೊಳೆದುಕೊಳ್ಳಬೇಕು. ಇದರಿಂದ ಚರ್ಮ ಮೃದುವಾಗುತ್ತದೆ. ಬೇಕೆಂದರೆ ನಯವಾಗಿ ಎಕ್ಸ್ ಫೋಲೆಟ್ ಮಾಡಿಕೊಳ್ಳಬಹುದು. ಇದರಿಂದ ಸತ್ತ ಜೀವಕೋಶಗಳು ನಿವಾರಣೆಯಾಗಿ ಚರ್ಮದ ಒಳಭಾಗದಲ್ಲಿ ಬಂದಿರುವ ಕೂದಲುಗಳು ಇಲ್ಲವಾಗುತ್ತದೆ. ಮೃದುವಾದ ಶೇವಿಂಗ್ ಅನುಭವವನ್ನು ನಿಮ್ಮದಾಗಿಸಿಕೊಳ್ಳಲು ಸಣ್ಣ ಕತ್ತರಿ ಬಳಕೆ ಮಾಡಿ ಉದ್ದುದ್ದ ಇರುವ ಕೂದಲನ್ನು ಕತ್ತರಿಸಿ. ಶೇವಿಂಗ್ ಮಾಡುವಾಗ ಶೇವಿಂಗ್ ಕ್ರೀಮ್ ಕಡ್ಡಾಯವಾಗಿ ಬಳಕೆ ಮಾಡಬೇಕು. ಕೆಲವರು ಶೇವಿಂಗ್ ಕ್ರೀಮ್ ಉಪಯೋಗಿಸದೆ ತುಂಬಾ ಮೃದುವಾದ ಯೋನಿ ಭಾಗದ ಚರ್ಮವನ್ನು ಶೇವಿಂಗ್ ಮಾಡಲು ಹೋಗುತ್ತಾರೆ. ಆದರೆ ಇದರಿಂದ ಸಾಕಷ್ಟು ಅಪಾಯವಿದೆ. ಕೆಲವರಿಗೆ ಚರ್ಮ ಕತ್ತರಿಸಿ ಹೋಗುವ ಸಾಧ್ಯತೆ ಇರುತ್ತದೆ. ಇನ್ನು ಶೇವಿಂಗ್ ಕ್ರೀಮ್ ಬಳಸದೆ ಶೇವಿಂಗ್ ಮಾಡಿದರೆ ಚರ್ಮ ಉರಿಯುವ ಸಾಧ್ಯತೆ ಇರುತ್ತದೆ. ಒಂದು ವೇಳೆ ನಿಮ್ಮ ಬಳಿ ಶೇವಿಂಗ್ ಕ್ರೀಮ್ ಇಲ್ಲದೆ ಇದ್ದರೆ ಮಾಯಿಸ್ಚರೈಸರ್ ಶಾಂಪು ಅಥವಾ ಕಂಡೀಶನರ್ ಬಳಕೆ ಮಾಡಬಹುದು. ಆದರೆ ಯಾವುದೇ ಕಾರಣಕ್ಕೂ ಇದು ನೇರವಾಗಿ ನಿಮ್ಮ ಯೋನಿಯ ಒಳಭಾಗಕ್ಕೆ ಹೋಗದಂತೆ ಎಚ್ಚರವಹಿಸಿ.
ಶೇವಿಂಗ್ ಮಾಡುವಾಗ ಕೂದಲು ಯಾವ ದಿಕ್ಕಿನಲ್ಲಿ ಬೆಳವಣಿಗೆ ಕಾಣುತ್ತದೆ ಅದೇ ದಿಕ್ಕಿನಲ್ಲಿ ಮಾತ್ರ ಶೇವಿಂಗ್ ಮಾಡಬೇಕು. ಇದು ಚರ್ಮದ ಮೇಲೆ ದದ್ದುಗಳು ಮತ್ತು ಗುಳ್ಳೆಗಳನ್ನು ಉಂಟು ಮಾಡುವುದು ತಪ್ಪುತ್ತದೆ. ಹಾಗಾಗಿ ನಿಮ್ಮ ರೇಸರ್ ಬಳಕೆ ಕೂದಲಿನ ಬೆಳವಣಿಗೆಯ ವಿರುದ್ಧ ಇಲ್ಲದಂತೆ ಎಚ್ಚರವಹಿಸಿ. ಶೇವಿಂಗ್ ಮಾಡುವಾಗ ಕಾಲುಗಳ ಕಡೆಗೆ ರೇಜರ್ ತಿರುಗಿಸುವುದರಿಂದ ಯಾವುದೇ ಅಪಾಯವಿಲ್ಲದ ಹಾಗೆ ಶೇವಿಂಗ್ ಮಾಡಬಹುದು. ಇವಿಷ್ಟು ಶೇವಿಂಗ್ ಮಾಡಲು ಅನುಸರಿಸಬೇಕಾದ ಅಂಶಗಳು ಆಗಿದ್ದರೆ ಇನ್ನು ಶೇವಿಂಗ್ ಮಾಡಿದ ನಂತರ ಏನು ಮಾಡಬೇಕು? ಶೇವಿಂಗ್ ಮಾಡಿದ ತಕ್ಷಣ ನೀವು ಮಾಡಬೇಕಾದ ಮೊದಲ ಕೆಲಸ ಎಂದರೆ ಮತ್ತೊಮ್ಮೆ ಉಗುರು ಬೆಚ್ಚಗಿನ ನೀರಿನಲ್ಲಿ ನಿಮ್ಮ ಯೋನಿ ಭಾಗವನ್ನು ತೊಳೆದುಕೊಳ್ಳುವುದು. ನಿಮ್ಮ ಬಳಿ ಆಂಟಿಸೆಪ್ಟಿಕ್ ಕ್ರೀಮ್ ಇದ್ದರೆ ಅದನ್ನು ನಿಮ್ಮ ಚರ್ಮದ ಮೇಲೆ ಮೊದಲು ಹಚ್ಚಿ. ಇದರಿಂದ ಚರ್ಮ ಕೆಂಪಾಗುವುದು ತಪ್ಪುತ್ತದೆ. ಒಂದು ವೇಳೆ ನಿಮ್ಮ ಯೋನಿಯ ಭಾಗ ಒಣಗಿದ್ದರೆ, ಇದು ಇದ್ದಕ್ಕಿದ್ದಂತೆ ಉರಿಯನ್ನು ಉಂಟು ಮಾಡಬಹುದು. ಹಾಗಾಗಿ ನೀವು ಮೊದಲು ನಿಮ್ಮ ಯೋನಿಯ ಭಾಗವನ್ನು ಮಾಯಿಶ್ಚರೈಸ್ ಮಾಡಿ. ಈ ಸಂದರ್ಭದಲ್ಲೂ ಕೂಡ ನೀವು ತುಂಬಾ ಹಗುರವಾದ ಕ್ರೀಮ್ ಗಳನ್ನು ಮಾತ್ರ ಬಳಕೆ ಮಾಡಬೇಕು.