ಚಿರು ಸರ್ಜಾ ಅವರ ಮಗನ ತೊಟ್ಟಿಲ ಶಾಸ್ತ್ರಕ್ಕೆ ಹಲವು ನಟ ನಟಿಯರು ಆಗಮಿಸಿ ಉಡುಗೊರೆಗಳನ್ನು ನೀಡಿದ್ದಾರೆ. ಯಾರೆಲ್ಲಾ ಉಡುಗೊರೆ ನೀಡಿದ್ದಾರೆ ಹಾಗೂ ಯಶ್ ದಂಪತಿಗಳು ಯಾವ ಉಡುಗೊರೆ ನೀಡಿದ್ದಾರೆ ಎಂಬ ಮಾಹಿತಿಯನ್ನು ಈ ಲೇಖನದ ಮೂಲಕ ತಿಳಿಯೋಣ.
ಅಕ್ಟೊಬರ್ 22ರಂದು ಬೆಳಗ್ಗೆ 11:05 ಕ್ಕೆ ಸರ್ಜಾ ಕುಟುಂಬದಲ್ಲಿ ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ದಂಪತಿಯ ಪ್ರೀತಿಯ ಸಂಕೇತವಾಗಿ ಮುದ್ದಾದ ಗಂಡು ಮಗು ಹುಟ್ಟಿದೆ. ಚಿರು ಮೇಘನಾ ರಾಜ್ ಅವರ ಮುದ್ದಾದ ಮಗನ ತೊಟ್ಟಿಲ ಶಾಸ್ತ್ರವೂ ನಡೆಯಿತು. ತೊಟ್ಟಿಲ ಶಾಸ್ತ್ರಕ್ಕೆ ಸಾಕಷ್ಟು ಗಣ್ಯರು, ಸಿನಿಮಾ ತಾರೆಯರು, ಬಂದಿದ್ದರು. ಸಾಕಷ್ಟು ನಟ ನಟಿಯರು ಮೇಘನಾ ರಾಜ್ ಅವರಿಗೆ ಹಾಗೂ ಮಗನಿಗೆ ಬಹಳಷ್ಟು ಉಡುಗೊರೆಗಳನ್ನು ನೀಡಿದ್ದಾರೆ. ಸುದೀಪ್, ದರ್ಶನ್, ಅಪ್ಪು, ಯಶ್ ದಂಪತಿ ಸೇರಿದಂತೆ ಸಾಕಷ್ಟು ಸ್ಟಾರ್ ನಟರು ಉಡುಗೊರೆಯನ್ನು ನೀಡಿದ್ದಾರೆ. ಮಗು ಹುಟ್ಟಿದ ತಕ್ಷಣ ಚಿಕ್ಕಪ್ಪ ಧ್ರುವ ಸರ್ಜಾ ತಮ್ಮ ಕತ್ತಿನಲ್ಲಿ ಇದ್ದ ಚಿನ್ನದ ಸರವನ್ನು ಮಗುವಿಗೆ ಹಾಕಿ ಸಂಭ್ರಮ ಪಟ್ಟಿದ್ದಾರೆ. ದರ್ಶನ್ ವಿಶೇಷವಾದ ತೊಟ್ಟಿಲನ್ನು ಮಗುವಿಗಾಗಿ ಆರ್ಡರ್ ಮಾಡಿದ್ದಾರೆ ಜೊತೆಗೆ ತಮ್ಮ ತೋಟದ ಮನೆಯಿಂದ ಎರಡು ಮುದ್ದಾದ ನಾಯಿ ಮರಿಗಳನ್ನು ಕಳಿಸಿದ್ದಾರೆ ಅಲ್ಲದೇ ಮೇಘನಾ ಹಾಗೂ ಧ್ರುವ ಸರ್ಜಾರಿಗೆ ಕರೆ ಮಾಡಿ ಮಾತನಾಡಿದ್ದಾರೆ.
ಆಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಅವರು ಮಗುವಿಗೆ ಚಿನ್ನದ ಉಡುದಾರವನ್ನು ಕೊಟ್ಟಿದ್ದಾರೆ ಜೊತೆಗೆ ಮಗು ಹುಟ್ಟಿರುವ ಸಂಭ್ರಮಕ್ಕಾಗಿ ಸರ್ಜಾ ಕುಟುಂಬದ ಕಡೆಯಿಂದ ಅಭಿಮಾನಿಗಳಿಗೆ ಸಿಹಿ ಊಟ ಹಾಕಿಸಿ ಬಡವರಿಗೆ ಆಹಾರ ವಿತರಣೆ ಮಾಡಿದ್ದಾರೆ. ಧ್ರುವ ಸರ್ಜಾರ ಪತ್ನಿ ಪ್ರೇರಣಾ ಸರ್ಜಾ ಅತ್ತಿಗೆಯ ಮಗುವಿಗೆ ಪುಟ್ಟ ಮಕ್ಕಳ ಉಡುಪುಗಳನ್ನು ಉಡುಗೊರೆ ನೀಡಿದ್ದಾರೆ. ಕಿಚ್ಚ ಸುದೀಪ್ ದಂಪತಿ ಮೇಘನಾ ಹಾಗೂ ಧ್ರುವ ಸರ್ಜಾರಿಗೆ ಕರೆ ಮಾಡಿ ತಾಯಿ ಮಗುವಿನ ಆರೋಗ್ಯ ವಿಚಾರಿಸಿ ಮಗುವಿಗೆ ಆಟಿಕೆಗಳನ್ನು ಕಳಿಸಿಕೊಟ್ಟಿದ್ದಾರೆ. ತೊಟ್ಟಿಲ ಶಾಸ್ತ್ರದ ದಿನ ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ಅವರು ಕೂಡ ಭರ್ಜರಿ ಉಡುಗೊರೆ ನೀಡಿದ್ದಾರೆ ಮಗು ಆಟವಾಡುವ ಹಲವಾರು ಬಣ್ಣ ಬಣ್ಣದ ಆಟಿಕೆಗಳನ್ನು ಕಳಿಸಿಕೊಟ್ಟಿದ್ದಾರೆ ಜೊತೆಗೆ ಮೇಘನಾ ಅವರಿಗೆ ಕರೆ ಮಾಡಿ ಮಾತನಾಡಿದ್ದಾರೆ. ಯಶ್ ಚಿರು ನಡುವೆ ಒಳ್ಳೆಯ ಸ್ನೇಹ ಬಾಂಧವ್ಯ ಇತ್ತು. ಯಶ್ ಕುಟುಂಬ ಹಾಗೂ ಸರ್ಜಾ ಕುಟುಂಬ ಬಹಳ ಆಪ್ತರು ಹಾಗಾಗಿ ವಾರಕ್ಕೆ ಒಮ್ಮೆ ಆದರೂ ಮೇಘನಾ ರಾಜ್ ಅವರಿಗೆ ರಾಧಿಕಾ ಪಂಡಿತ್ ಅವರು ಕರೆ ಮಾಡಿ ಮಗುವಿನ ಆರೋಗ್ಯದ ಬಗ್ಗೆ ತಿಳಿದುಕೊಂಡು ಕೆಲವೊಂದು ಸಲಹೆಗಳನ್ನು ಕೂಡ ನೀಡುತ್ತಾರೆ.