ಹೈಪೊಗ್ಲಿಸಿಮಿಯಾ ಕೆಲವು ಕಾಯಿಲೆಗಳಿಗೆ ಕಾರಣವಾಗಬಹುದು.ಆದ್ದರಿಂದ ಮೊದಲೇ ಇದರ ಚಿಹ್ನೆಗಳನ್ನು ತಿಳಿದುಕೊಳ್ಳಿ. ನಿಮಗೆ ಈ ಸಮಸ್ಯೆ ಇರುವುದು ಅರಿವಾದ ತಕ್ಷಣಕ್ಕೆ ಚಿಕಿತ್ಸೆ ಪಡೆಯಬಹುದು. ಈ ಚಿಹ್ನೆಗಳು ಕಂಡುಬಂದರೆ ರಕ್ತದಲ್ಲಿನ ಸಕ್ಕರೆ ಮಟ್ಟ ಕಡಿಮೆಯಾಗಿದೆ ಎಂದರ್ಥ. ಹಾಗಾದರೆ ರಕ್ತದಲ್ಲಿ ಸಕ್ಕರೆಯ ಮಟ್ಟ ಕಡಿಮೆ ಆಗಿದೆ ಎಂದು ತೋರಿಸುವ ಚಿನ್ಹೆಗಳು ಯಾವವು ? ಮತ್ತು ಅದರಿಂದ ನಮ್ಮ ಆರೋಗ್ಯದ ಮೇಲೆ ಬೇರೆ ಏನು ಪರಿಣಾಮ ಬೀರುತ್ತದೆ ಎನ್ನುವುದನ್ನು ನಾವು ಈ ಲೇಖನದ ಮೂಲಕ ತಿಳಿದುಕೊಳ್ಳೋಣ.
ಹಿಂದೊಮ್ಮೆ ಪರಂಗಿಯವರ ಕಾಯಿಲೆ ಎಂದೇ ಕನ್ನಡಿಗರಿಗೆ ಪರಿಚಿತವಾಗಿದ್ದ ಮಧುಮೇಹ ಇಂದು ವಿಶ್ವದಾದ್ಯಂತ ಲಕ್ಷಾಂತರ ಜನರನ್ನು ಆವರಿಸಿಬಿಟ್ಟಿದೆ. ಮಧುಮೇಹದ ಆರಂಭಿಕ ಲಕ್ಷಣಗಳು ಹೆಚ್ಚಿನ ಜನರಿಗೆ ಗೊತ್ತಾಗಿ ಬಿಡುತ್ತವೆ ಎಂದು ನೀವು ಭಾವಿಸಬಹುದು. ದುರದೃಷ್ಟವಶಾತ್, ಮಧುಮೇಹವು ಇನ್ನೂ ಆರಂಭದಲ್ಲಿರುವಾಗ ನೀಡುವ ಸೂಚನೆಗಳು ಸ್ಪಷ್ಟವಾಗಿದ್ದರೂ ಇದನ್ನು ಬೇರೆ ತೊಂದರೆ ಎಂದೇ ತಿಳಿದುಕೊಂಡು ಅಲಕ್ಷಿಸಿದ ಬಳಿಕ ಮಧುಮೇಹದ ಯಾವುದೋ ಒಂದು ಪರಿಣಾಮ ಕಂಡುಬಂದ ಬಳಿಕವೇ ಮಧುಮೇಹ ಆವರಿಸಿರುವುದು ಗೊತ್ತಾಗುತ್ತದೆ. ಅಲ್ಲಿಯವರೆಗೆ ಮಧುಮೇಹ ಪ್ರಾರಂಭಿಕ ಹಂತದಲ್ಲಿದ್ದುದೇ ಹೆಚ್ಚಿನವರಿಗೆ ಗೊತ್ತಿರುವುದಿಲ್ಲ. ಏಕೆಂದರೆ ಅದರ ಆರಂಭಿಕ ಲಕ್ಷಣಗಳು ಕೆಲವು ತುಂಬಾ ಸೂಕ್ಷ್ಮವಾಗಿರುತ್ತವೆ ಅಥವಾ ಹೆಚ್ಚಿನವರು ಇವನ್ನು ಗಂಭೀರವಾಗಿ ಪರಿಗಣಿಸುವುದಿಲ್ಲ.
2014 ರಲ್ಲಿ ಇಂಡಿಯನ್ ಜರ್ನಲ್ ಆಫ್ ಮೆಡಿಕಲ್ ರಿಸರ್ಚ್ ಎಂಬ ಮಾಧ್ಯಮದಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಭಾರತವು ಮಧುಮೇಹಕ್ಕೆ ಸಂಬಂಧಿಸಿದ ರೋಗದ ಹೊರೆಯ ಒಂದು ದೊಡ್ಡ ಭಾಗವನ್ನು 2013 ರಲ್ಲಿ ಮಾಡಿದ ಅಂದಾಜಿನ ಪ್ರಕಾರ 6.51 ಕೋಟಿ ವಯಸ್ಕರೊಂದಿಗೆ ಹೊಂದಿದೆ. ಹೆಚ್ಚಿನ ಜನರು ಆರಂಭಿಕ ರೋಗಲಕ್ಷಣಗಳನ್ನು ಕಡೆಗಣಿಸುತ್ತಾರೆ ಎಂದು ಈ ಅಧ್ಯಯನವು ವಿವರಿಸುತ್ತದೆ. ವಾಸ್ತವದಲ್ಲಿ ಮಧುಮೇಹ ದೀರ್ಘಕಾಲದ ಕಾಯಿಲೆಯಾಗಿದೆ ಮತ್ತು ಅದರ ಪರಿಣಾಮಗಳು ತಕ್ಷಣವೇ ಸ್ಪಷ್ಟವಾಗಿ ಪ್ರಕಟಗೊಳ್ಳುವುದಿಲ್ಲ. ಅಲ್ಲದೇ ಈ ಲಕ್ಷಣಗಳು ಇತರ ಸಾಮಾನ್ಯ ಕಾಯಿಲೆಗಳ ಲಕ್ಷಣಗಳಂತೆಯೇ ಇರುವ ಕಾರಣದಿಂದಲೂ ಇವುಗಳನ್ನು ಹೆಚ್ಚಿನವರು ಅಲಕ್ಷಿಸುತ್ತಾರೆ.
ಮಧುಮೇಹದಿಂದ ಬಳಲುತ್ತಿರುವವರಿಗೆ, ರಕ್ತದಲ್ಲಿನ ಸಕ್ಕರೆ ಮಟ್ಟ ಅಧಿಕವಾದಾಗ ಅದನ್ನು ಕಡಿಮೆ ಮಾಡುವುದು ಎಷ್ಟು ಮುಖ್ಯ ಎಂಬುದು ತಿಳಿದಿದೆ. ಆದರೆ ರಕ್ತದಲ್ಲಿ ಸಕ್ಕರೆ ಮಟ್ಟ ತುಂಬಾ ಕಡಿಮೆಯಾದಾಗ ಅಥವಾ ಹೈಪೊಗ್ಲಿಸಿಮಿಯಾ ತಡೆಯುವುದು ಅಷ್ಟೇ ಮುಖ್ಯವಾಗಿದೆ. ರಕ್ತದಲ್ಲಿನ ಗ್ಲೂಕೋಸ್ ಅಂದರೆ, ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಸಾಮಾನ್ಯ ಕಾರ್ಯನಿರ್ವಹಣೆಯನ್ನು ಉಳಿಸಿಕೊಳ್ಳಲು ತೀರಾ ಕಡಿಮೆ ಮಟ್ಟಕ್ಕೆ ಇಳಿದಾಗ ಹೈಪೊಗ್ಲಿಸಿಮಿಯಾ ಸಂಭವಿಸುತ್ತದೆ ಎಂದು ನ್ಯೂಜೆರ್ಸಿಯ ಸ್ಪಾರ್ಟಾ ಮೂಲದ ಸಿಡಿಸಿಇಎಸ್ ನ ಆರ್ಡಿ, ಸಿಡಿಸಿಇಎಸ್, ಆರ್’ಡಿ, ಎರಿನ್ ಪಾಲಿನ್ಸ್ಕಿವೇಡ್ ಹೇಳುತ್ತಾರೆ. ಹೆಚ್ಚಿನ ಜನರಲ್ಲಿ, ಇದನ್ನು ರಕ್ತದಲ್ಲಿನ ಸಕ್ಕರೆ ಮಟ್ಟವು ಪ್ರತಿ ಡೆಸಿಲಿಟರ್‌ಗೆ 70 ಮಿಲಿಗ್ರಾಂ ಅಥವಾ ಅದಕ್ಕಿಂತ ಕಡಿಮೆ ಅಂದರೆ (ಮಿಗ್ರಾಂ / ಡಿಎಲ್) ಎಂದು ವ್ಯಾಖ್ಯಾನಿಸಲಾಗುತ್ತದೆ. ಪ್ಲಸ್ ಒನ್ ಪತ್ರಿಕೆಯಲ್ಲಿ, ಜೂನ್ 2015 ರಲ್ಲಿ ಪ್ರಕಟವಾದ ವಿಮರ್ಶೆಯ ಪ್ರಕಾರ, ಎರಡನೇ ವಿಧದ ಅಥವಾ ಎರಡನೇ ಹಂತದ ಡಯಾಬಿಟಿಸ್ ಇರುವವರಲ್ಲಿ ಹೈಪೊಗ್ಲಿಸಿಮಿಯಾ ಸಾಮಾನ್ಯವಾಗಿದೆ. ವಿಶೇಷವಾಗಿ ಇನ್ಸುಲಿನ್ ತೆಗೆದುಕೊಳ್ಳುವವರ ರಕ್ತದಲ್ಲಿ ಸಕ್ಕರೆ ಕಡಿಮೆಯಾಗುವುದು ಸಾಮಾನ್ಯವಾಗಿದೆ.
ರಕ್ತದಲ್ಲಿನ ಸಕ್ಕರೆ ಮಟ್ಟ ಈ ರೀತಿ ಇಳಿಕೆಯಾದರೆ ಗೊಂದಲ ಮತ್ತು ತಲೆತಿರುಗುವಿಕೆಯಂತಹ ಅಲ್ಪಾವಧಿಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಜೊತೆಗೆ ಕೋಮಾ ಮತ್ತು ಅಪರೂಪವಾಗಿ ಸಾವು ಸೇರಿದಂತೆ ಹೆಚ್ಚು ಗಂಭೀರ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಅಮೆರಿಕನ್ ಡಯಾಬಿಟಿಸ್ ಅಸೋಸಿಯೇಷನ್ (ಎಡಿಎ) ಹೇಳಿದೆ. ಹಾರ್ವರ್ಡ್ ಹೆಲ್ತ್ ಪಬ್ಲಿಷಿಂಗ್ ಪ್ರಕಾರ, ಹೈಪೊಗ್ಲಿಸಿಮಿಯಾ ಸಾಮಾನ್ಯವಾಗಿ ಹೆಚ್ಚಿನ ಪ್ರಮಾಣದ ಇನ್ಸುಲಿನ್ ಅಥವಾ ಆಹಾರ ಅಥವಾ ವ್ಯಾಯಾಮದ ಅಭ್ಯಾಸದ ಬದಲಾವಣೆಯಾಗಿದೆ. ಆದ್ದರಿಂದ ಹೈಪೊಗ್ಲಿಸಿಮಿಯಾ ಮತ್ತು ಅದರ ಅಡ್ಡಪರಿಣಾಮಗಳನ್ನು ತಡೆಗಟ್ಟಲು, ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಮೇಲ್ವಿಚಾರಣೆ ಮಾಡಿಕೊಳ್ಳಬೇಕು ಮತ್ತು ಒಂದು ವೇಳೆ ರಕ್ತದಲ್ಲಿ ಸಕ್ಕರೆ ಮಟ್ಟ ಕಡಿಮೆಯಾಗಿರುವುದರ ಬಗ್ಗೆ ನಿಮಗೆ ತಿಳಿದರೆ ತಕ್ಷಣ ಚಿಕಿತ್ಸೆ ತೆಗೆದುಕೊಳ್ಳಿ. ಯಾವ ರೀತಿಯ ಸೂಚನೆಗಳು ನಮ್ಮ ದೇಹದಲ್ಲಿ ಸಕ್ಕರೆಯ ಅಂಶ ಕಡಿಮೆ ಆಗಿರುವುದನ್ನು ಸೂಚಿಸುತ್ತವೆ ಎಂದು ನೋಡುವುದಾದರೆ, ಈ ಕೆಳಕಂಡ ಚಿಹ್ನೆಗಳು ಕಂಡುಬಂದರೆ ತಕ್ಷಣವೇ ಗಮನ ಕೊಡಿ.
ತಡೆಯಲಾಗದಷ್ಟು ಹಸಿವು. ನೀವು ಹಠಾತ್ತನೆ ತಡೆಯಲಾಗದಷ್ಟು ಹಸಿವಿನಿಂದ ಬಳಲುತ್ತಿದ್ದರೆ, ನಿಮ್ಮ ದೇಹವು ರಕ್ತದಲ್ಲಿನ ಸಕ್ಕರೆ ಕುಸಿತವನ್ನು ಅನುಭವಿಸುತ್ತಿದೆ ಎಂದು ಸಂಕೇತಿಸುತ್ತಿದೆ ಎಂದು ಕ್ಲೀವ್ಲ್ಯಾಂಡ್ ಕ್ಲಿನಿಕ್ ಹೇಳಿದೆ. ನಿಮ್ಮ ಕಾರ್ಬೋಹೈಡ್ರೇಟ್ ಸೇವನೆಯನ್ನು ಎಣಿಸುವ ಮೂಲಕ ನಿಮ್ಮ ರಕ್ತದಲ್ಲಿನ ಸಕ್ಕರೆಯನ್ನು ನೀವು ನಿರ್ವಹಿಸಬಹುದು. ಪ್ರತಿ ಲಘು ಆಹಾರದೊಂದಿಗೆ 15 ರಿಂದ 20 ಗ್ರಾಂ ಕಾರ್ಬೋಹೈಡ್ರೇಟ್‌ಗಳನ್ನು ಮತ್ತು ಪ್ರತಿ ಊಟದಲ್ಲಿ 40 ರಿಂದ 65 ಗ್ರಾಂ ನಡುವೆ ತಿನ್ನಲು ಎಡಿಎ ಶಿಫಾರಸು ಮಾಡುವುದಾದರೂ ನಿಮ್ಮ ಆಹಾರ ಪದ್ಧತಿ ಅಥವಾ ಆರೈಕೆ ಮತ್ತು ಆಹಾರ ತಜ್ಞರೊಂದಿಗೆ ಮಾತನಾಡಿ ನೀವು ಎಷ್ಟು ಸೇವಿಸಬೇಕೆಂದು ನಿರ್ಧರಿಸುವುದು ನಿಮಗೆ ಬಿಟ್ಟಿದ್ದು. ಎರಡನೆಯದಾಗಿ ಆತಂಕದ ಭಾವನೆ ಗ್ಲೂಕೋಸ್ ಮಟ್ಟವು ತುಂಬಾ ಕಡಿಮೆಯಾದಾಗ, ನಿಮ್ಮ ದೇಹವು ಎಪಿನೆಫ್ರಿನ್ (ಅಡ್ರಿನಾಲಿನ್ ಎಂದೂ ಕರೆಯಲ್ಪಡುತ್ತದೆ) ಮತ್ತು ಕಾರ್ಟಿಸೋಲ್ ಎಂಬ ಹಾರ್ಮೋನುಗಳನ್ನು ಬಿಡುಗಡೆ ಮಾಡುತ್ತದೆ. ಇದು ಯಕೃತ್ತಿಗೆ ರಕ್ತದಲ್ಲಿ ಹೆಚ್ಚು ಸಕ್ಕರೆಯನ್ನು ಬಿಡುಗಡೆ ಮಾಡಲು ಸಂಕೇತಿಸುತ್ತದೆ ಎಂದು ಮೆರ್ಕ್ & ಕಂ ಹೇಳುತ್ತದೆ. ಜುಲೈ 2016 ರಲ್ಲಿ ಪ್ರಕಟವಾದ ಸಂಶೋಧನೆಯೊಂದರ ಪ್ರಕಾರ, ಇದು ಆತಂಕ ಮತ್ತು ಅದಕ್ಕೆ ಸಂಬಂಧಿಸಿದ ರೋಗಲಕ್ಷಣಗಳಾದ ಅಲುಗಾಡುವಿಕೆ, ಬೆವರುವುದು ಮತ್ತು ಹೃದಯ ಬಡಿತಕ್ಕೆ ಕಾರಣವಾಗಬಹುದು.
ಮೂರನೆಯದಾಗಿ ವಿಶ್ರಾಂತಿಯಿಲ್ಲದ ರಾತ್ರಿ. ಈ ಸಮಸ್ಯೆ ಎದುರಾದಾಗ ರಾತ್ರಿ ಬೆವರುವಿಕೆ, ದುಃಸ್ವಪ್ನಗಳು, ಇದ್ದಕ್ಕಿದ್ದಂತೆ ಎಚ್ಚರಗೊಂಡು ಅಳುವುದು ಮತ್ತು ಎಚ್ಚರವಾದಾಗ ಅಶಾಂತಿ ಮತ್ತು ಗೊಂದಲದ ಭಾವನೆಗಳಿರುತ್ತವೆ ಎಂದು ತಜ್ಞರು ಹೇಳುತ್ತಾರೆ. ಆದರೆ ಮಲಗುವ ಮೊದಲು ತಿಂಡಿ ಸೇವಿಸುವುದು ಈ ಸಮಸ್ಯೆಯನ್ನು ಮತ್ತು ನಿದ್ರೆಯ ಅಡಚಣೆಯ ತೀವ್ರತೆಯನ್ನು ಕಡಿಮೆ ಮಾಡುತ್ತದೆ. ನಿಮ್ಮ ರಕ್ತದಲ್ಲಿನ ಶುಗರ್ ರೀಡಿಂಗ್ ಮಲಗುವ ಮೊದಲು 90 ರಿಂದ 150 ಮಿಗ್ರಾಂ / ಡಿಎಲ್ ನಡುವೆ ಇರಬೇಕು ಎಂದು ಜೋಸ್ಲಿನ್ ಡಯಾಬಿಟಿಸ್ ಸೆಂಟರ್ ಹೇಳಿದೆ. ನಾಲ್ಕನೆಯದಾಗಿನಡುಕ. ಹಿಂದಿನ ಸಂಶೋಧನೆಯ ಪ್ರಕಾರ, ಹೈಪೊಗ್ಲಿಸಿಮಿಯಾ ಸಮಯದಲ್ಲಿ ಸ್ವನಿಯಂತ್ರಿತ ನರಮಂಡಲವನ್ನು ಸಕ್ರಿಯಗೊಳಿಸಿದಾಗ ಉಂಟಾಗುವ ಲಕ್ಷಣವೆಂದರೆ ಅಲುಗಾಡುವಿಕೆ. ಇನ್ನೂ ಭಾವನಾತ್ಮಕ ಅಸಮತೋಲನ.ಮೂಡ್ ಸ್ವಿಂಗ್ ಹೈಪೊಗ್ಲಿಸಿಮಿಯಾದ ರೋಗ ಲಕ್ಷಣಗಳಲ್ಲಿ ಇದೂ ಕೂಡಾ ಒಂದು. ಸಂಶೋಧನೆಯ ಪ್ರಕಾರ, ಇದರ ಜೊತೆಗೆ ಕಿರಿಕಿರಿ, ಮೊಂಡುತನ ಮತ್ತು ಖಿನ್ನತೆಯ ಭಾವನೆಗಳು ಕಾಣಿಸಿಕೊಳ್ಳಬಹುದು.
ಬೆವರುವುದು. ಬೆವರುವುದು ಸಾಮಾನ್ಯವಾಗಿ ಹೈಪೊಗ್ಲಿಸಿಮಿಯಾದ ಮೊದಲ ಚಿಹ್ನೆಗಳಲ್ಲಿ ಒಂದಾಗಿದೆ. ಸಂಶೋಧನೆಯ ಪ್ರಕಾರ, ಮಧುಮೇಹ ಹೊಂದಿರುವ 84 ಪ್ರತಿಶತದಷ್ಟು ಜನರು ಹೈಪೊಗ್ಲಿಸಿಮಿಕ್ ಆಗಿರುವಾಗ ಬೆವರು ಸಮಸ್ಯೆ ಅನುಭವಿಸುತ್ತಾರೆ. ಇದನ್ನು ನಿಮ್ಮ ಕತ್ತಿನ ಹಿಂಭಾಗದಲ್ಲಿ ಪರಿಶೀಲಿಸಿ. ತಲೆನೋವು ಬರುತ್ತದೆ. ನಿಮ್ಮ ರಕ್ತದಲ್ಲಿನ ಸಕ್ಕರೆ ಕಡಿಮೆಯಾದಾಗ, ನಿಮ್ಮ ಮೆದುಳು ಸಾಧ್ಯವಾದಷ್ಟು ಶಕ್ತಿಯನ್ನು ಸಂರಕ್ಷಿಸಲು ಪ್ರಯತ್ನಿಸುತ್ತದೆ. ಆದ್ದರಿಂದ ಇದರ ಪರಿಣಾಮವಾಗಿ ನೀವು ಲಘು ತಲೆ ಅನುಭವಿಸಬಹುದು ಎಂದು ಹಾರ್ವರ್ಡ್ ಹೆಲ್ತ್ ಪಬ್ಲಿಷಿಂಗ್ ತಿಳಿಸಿದೆ. ತಲೆನೋವು 15 ನಿಮಿಷಗಳಿಗಿಂತ ಹೆಚ್ಚು ಕಾಲ ಇದ್ದರೆ, ವೈದ್ಯರ ಸಹಾಯ ಪಡೆಯಬೇಕು ಎಂದು ಸೂಚಿಸಲಾಗುತ್ತದೆ. ಈ ಎಲ್ಲಾ ಚಿನ್ಹೆಗಳು ನಿಮಗೆ ಕಂಡುಬಂದರೆ ಕೂಡಲೇ ವೈದ್ಯರನ್ನು ಭೇಟಿ ಮಾಡಿ ಪರೀಕ್ಷಿಸಿಕೊಂಡು ಸೂಕ್ತ ಸಲಹೆ ಪಡೆದುಕೊಳ್ಳಿ.
ಶ್ರೀ ಕೇರಳ ಭಗವತಿ ಜ್ಯೋತಿಷ್ಯ ಶಾಸ್ತ್ರ ಪ್ರಧಾನ ತಂತ್ರಿಕ್ ರಾಘವೇಂದ್ರ ಭಟ್ ಸಮಸ್ಯೆ ಏನೇ ಇರಲಿ ಎಷ್ಟೇ ಕಠಿಣವಾಗಿರಲಿ ಮತ್ತು ನಿಮ್ಮ ಗುಪ್ತ ಸಮಸ್ಯೆಗಳಿಗೆ ಹಾಗೂ ಮನ ಇಚ್ಛಾಕಾರ್ಯ ನೆರವೇರಿಸಲು ಮತ್ತು ಸುಲಭ ಪರಿಹಾರಕ್ಕಾಗಿ ಇಂದೆ ಕರೆ ಮಾಡಿ ನಿಮ್ಮ ಸಮಸ್ಯೆಗಳಾದ ವಿದ್ಯೆಯಲ್ಲಿ ತೊಂದರೆ, ವಿವಾಹದಲ್ಲಿ ತೊಂದರೆ ಸ್ತ್ರೀ-ಪುರುಷ ಪ್ರೇಮ ವಿಚಾರ, ಇಷ್ಟಪಟ್ಟವರು ನಿಮ್ಮಂತೆ ಆಗಲು ಹಣಕಾಸಿನ ತೊಂದರೆ, ಆರೋಗ್ಯ ಸಮಸ್ಯೆ ಉದ್ಯೋಗ, ವ್ಯವಹಾರದಲ್ಲಿ ತೊಂದರೆ, ಅತ್ತೆಸೊಸೆ ತೊಂದರೆ ಡೈವರ್ಸ್ ಪ್ರಾಬ್ಲಮ್ ಮಕ್ಕಳು ನಿಮ್ಮ ಮಾತು ಕೇಳಲು ಶತ್ರು ಬಾಧೆ, ಮಾಟಮಂತ್ರ ತಡೆ ಇನ್ನು ನಿಮ್ಮ ಜೀವನದ ಕಠಿಣ ಸಮಸ್ಯೆಗಳಿಗೆ ಕೇವಲ 2 ದಿನದಲ್ಲಿ ಪರಿಹಾರ ಶ್ರೀ ಅಂಬಾ ಭವಾನಿ ಜ್ಯೋತಿಷ್ಯಾಲಯ ಪಂಡಿತ್ ರಾಘವೇಂದ್ರ ಭಟ್ ಮೊಬೈಲ್ ನಂಬರ್ 9448001466
