ಸಾಮಾನ್ಯವಾಗಿ ಕಲ್ಲು ಸಕ್ಕರೆ ಅಡುಗೆ ಮನೆಯಲ್ಲಿ ಇರುತ್ತದೆ ಆದರೆ ಅದರಿಂದಾಗುವ ಅನೇಕ ಆರೋಗ್ಯಕರ ಪ್ರಯೋಜನಗಳ ಬಗ್ಗೆ ಯಾರಿಗೂ ತಿಳಿದಿರುವುದಿಲ್ಲ. ಕಲ್ಲು ಸಕ್ಕರೆಯನ್ನು ನಿಯಮಿತವಾಗಿ ಸೇವಿಸುವುದರಿಂದ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರವಾಗಿ ಕೆಲಸ ಮಾಡುತ್ತದೆ. ಹಾಗಾದರೆ ಕಲ್ಲುಸಕ್ಕರೆಯನ್ನು ಸೇವಿಸುವುದರಿಂದ ಆಗುವ ಪ್ರಯೋಜನಗಳನ್ನು ಈ ಲೇಖನದಲ್ಲಿ ನೋಡೋಣ
ಕಲ್ಲು ಸಕ್ಕರೆ ಬಗ್ಗೆ ಎಲ್ಲರಿಗೂ ತಿಳಿದೆ ಇರುತ್ತದೆ ಯಾವಾಗಲಾದರೂ ಒಮ್ಮೆಯಾದರೂ ಇದನ್ನು ಸೇವಿಸಿರುತ್ತಾರೆ. ಸಕ್ಕರೆಗಿಂತಲೂ ಒಳ್ಳೆಯ ಗುಣ ಕಲ್ಲುಸಕ್ಕರೆಗಿದೆ. ಬೆಲ್ಲ ಅಥವಾ ಸಕ್ಕರೆಯನ್ನು ತಯಾರು ಮಾಡುವ ಸಮಯದಲ್ಲಿ ಕೆಲವು ಪದಾರ್ಥಗಳನ್ನು ಬಳಸಿ ಸಾವಯವ ಪದ್ಧತಿಯಲ್ಲಿ ನೈಸರ್ಗಿಕವಾಗಿ ಕಲ್ಲು ಸಕ್ಕರೆಯನ್ನು ತಯಾರು ಮಾಡುತ್ತಾರೆ. ಕಲ್ಲು ಸಕ್ಕರೆ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಕಲ್ಲು ಸಕ್ಕರೆಯಿಂದ ಅನೇಕ ಆರೋಗ್ಯಕರ ಉಪಯೋಗಗಳಿವೆ.
ಕಲ್ಲು ಸಕ್ಕರೆಯನ್ನು ಆಗಾಗ ಸೇವನೆ ಮಾಡುವುದರಿಂದ ಒತ್ತಡದಿಂದ ಬರುವ ಟೆನ್ಶನ್ ಕಡಿಮೆಯಾಗುತ್ತದೆ. ಕಲ್ಲು ಸಕ್ಕರೆಯನ್ನು ಸೇವನೆ ಮಾಡುವುದರಿಂದ ಹೊಟ್ಟೆಯಲ್ಲಿ ಸಂಕಟವಾಗುವುದು ನಿಶ್ಯಕ್ತಿ ತಲೆ ತಿರುಗುವಿಕೆ ಸಮಸ್ಯೆಗಳು ನಿವಾರಣೆಯಾಗುತ್ತದೆ. ನೆಗಡಿ ಜ್ವರ ಬಂದಾಗ ಬಾಯಿ ರುಚಿ ಕೆಟ್ಟು ಹೋಗಿ ಆಹಾರ ಸೇರುವುದಿಲ್ಲ ಮತ್ತು ಜೀರ್ಣಕ್ರಿಯೆ ಸರಿಯಾಗಿ ಆಗುತ್ತಿರುವುದಿಲ್ಲಾ ಆಗ ಕಲ್ಲು ಸಕ್ಕರೆಯನ್ನು ಸೇವನೆ ಮಾಡುವುದರಿಂದ ನಿಧಾನವಾಗಿ ಜೀರ್ಣಕ್ರಿಯೆ ವ್ಯವಸ್ಥೆ ಸರಿಗೊಳ್ಳುತ್ತದೆ ಮತ್ತು ಆರೋಗ್ಯ ವೃದ್ಧಿಯಾಗುತ್ತದೆ ಜೊತೆಗೆ ಬಾಯಿಗೆ ನಿಧಾನವಾಗಿ ರುಚಿ ಸಿಗುತ್ತದೆ ಇದರಿಂದ ಆಹಾರ ಸೇವನೆ ಮಾಡಬಹುದು.
ಹಿಮೋಗ್ಲೋಬಿನ್ ಕಡಿಮೆ ಇರುವವರು ಕಲ್ಲು ಸಕ್ಕರೆಯನ್ನು ಸೇವನೆ ಮಾಡಬೇಕು ಕಲ್ಲು ಸಕ್ಕರೆಗೆ ನೀರನ್ನು ಹಾಕಿ ಆ ನೀರನ್ನು ಕುಡಿಯುತ್ತಿರಬೇಕು. ಕೆಲವು ಹೆಣ್ಣು ಮಕ್ಕಳಿಗೆ ಋತುಚಕ್ರದ ಸಮಯದಲ್ಲಿ ಮನಸ್ಸಿಗೆ ಕಿರಿಕಿರಿಯಾಗುತ್ತಿರುತ್ತದೆ ಅಂತವರು ಕಲ್ಲು ಸಕ್ಕರೆಯನ್ನು ಸೇವಿಸುವುದರಿಂದ ಕಿರಿಕಿರಿ ಎನಿಸುವುದು ಕಡಿಮೆಯಾಗುತ್ತದೆ. ಚಿಕ್ಕ ಮಕ್ಕಳು ಕಲ್ಲು ಸಕ್ಕರೆ ನೀರನ್ನು ಕುಡಿಯುವುದರಿಂದ ನೆನಪಿನ ಶಕ್ತಿ ವೃದ್ಧಿಯಾಗುತ್ತದೆ ಜೊತೆಗೆ ಮೆದುಳಿನ ಆಯಾಸ ಕಡಿಮೆಯಾಗುತ್ತದೆ.
ಬೇಸಿಗೆ ಸಮಯದಲ್ಲಿ ಕೆಲವರಿಗಂತು ಸಣ್ಣ ಕೆಲಸ ಮಾಡಿದರೂ ಬೇಗ ಸುಸ್ತಾಗುತ್ತಾರೆ ಅವರು ಬೇಸಿಗೆ ಸಮಯದಲ್ಲಿ ಆಗಾಗ ಕಲ್ಲು ಸಕ್ಕರೆಯ ನೀರನ್ನು ಕುಡಿಯುವುದರಿಂದ ದಣಿವು ನಿವಾರಣೆ ಆಗುತ್ತದೆ ಹಾಗೂ ಮನಸ್ಸಿಗೆ ನೆಮ್ಮದಿ ಚೈತನ್ಯ ತಂದುಕೊಡುತ್ತದೆ ಇದರಿಂದ ದಿನವೆಲ್ಲ ಚೈತನ್ಯದಿಂದ ಇರಬಹುದಾಗಿದೆ. ಹಲವಾರು ಆರೋಗ್ಯಕರ ಗುಣವನ್ನು ಹೊಂದಿರುವ ಕಲ್ಲು ಸಕ್ಕರೆಯನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದನ್ನು ಮರೆಯದಿರಿ. ಈ ಮಾಹಿತಿ ಆರೋಗ್ಯದ ವಿಷಯದಲ್ಲಿ ಉಪಯುಕ್ತವಾಗಿದ್ದು ನೀವು ಓದಿ ಇನ್ನೊಬ್ಬರಿಗೂ ತಿಳಿಸಿ.
