ನೇರನುಡಿ ದಿಟ್ಟ ನಿಲುವು, ಸಿಂಹ ರಾಶಿ ಪುರುಷರ ಗುಣಸ್ವಭಾವ ಹೇಗಿರತ್ತೆ ನೋಡಿ

0 6

ಪ್ರತಿಯೊಬ್ಬರ ವ್ಯಕ್ತಿತ್ವವು ಭಿನ್ನವಾಗಿರುತ್ತದೆ. ಜ್ಯೋತಿಷ್ಯಶಾಸ್ತ್ರದಲ್ಲಿ ವ್ಯಕ್ತಿಯ ವ್ಯಕ್ತಿತ್ವವನ್ನು ರಾಶಿಚಕ್ರದ ಆಧಾರದ ಮೇಲೆ ವಿಶ್ಲೇಷಿಸಲಾಗುತ್ತದೆ. ಒಂದೊಂದು ರಾಶಿಯವರು ತಮ್ಮದೆ ಆದ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಸಿಂಹ ರಾಶಿಯ ಪುರುಷರ ವ್ಯಕ್ತಿತ್ವದ ಬಗ್ಗೆ ಸಂಪೂರ್ಣವಾಗಿ ಈ ಲೇಖನದ ಮೂಲಕ ತಿಳಿಯೋಣ.

ಸಿಂಹ ರಾಶಿಯ ಪುರುಷರು ರಾಜನಂತೆ ತಮ್ಮ ಜೀವನವನ್ನು ಕಳೆಯಲು ಇಷ್ಟಪಡುತ್ತಾರೆ. ಇವರ ಆರ್ಥಿಕ ಪರಿಸ್ಥಿತಿ ಸರಿ ಇಲ್ಲದೆ ಇದ್ದಾಗಲೂ ಇವರ ಮೇಲೆ ಅಷ್ಟಾಗಿ ಪ್ರಭಾವ ಬೀರುವುದಿಲ್ಲ. ಈ ರಾಶಿಯ ಪುರುಷರು ಆಯ್ಕೆಮಾಡಿಕೊಳ್ಳುವುದು ಎಲ್ಲದಕ್ಕಿಂತ ಅತ್ಯುತ್ತಮವಾಗಿರುತ್ತದೆ. ಇವರಿಗೆ ತಾವು ಮಾಡುವ ಕೆಲಸ ಎಲ್ಲರಿಗಿಂತ ಉತ್ತಮವಾಗಿರಬೇಕು ಎಂದು ಅಂದುಕೊಳ್ಳುತ್ತಾರೆ.

ಸಿಂಹ ರಾಶಿಯ ಪುರುಷರು ಉನ್ನತ ಸ್ಥಾನದಲ್ಲಿರುತ್ತಾರೆ. ಇವರು ಮಾಡುವ ಕೆಲಸದಲ್ಲಿ ಗುಣಮಟ್ಟ ನೋಡುತ್ತಾರೆ. ಇವರು ಕೆಳಮಟ್ಟದ ಕೆಲಸಗಳನ್ನು ಮಾಡಲು ಇಚ್ಛಿಸುವುದಿಲ್ಲ. ಇವರ ಆಯ್ಕೆ ವಿಭಿನ್ನವಾಗಿರುವುದರಿಂದ ಇವರು ಧರಿಸುವ ಬಟ್ಟೆಯೂ ಸಹ ಆಕರ್ಷಕ ಹಾಗೂ ವಿಭಿನ್ನವಾಗಿರುತ್ತದೆ. ಇವರ ಜೀವನ ಉನ್ನತ ಮಟ್ಟವಾಗಿರುತ್ತದೆ ಅದರಂತೆ ಇವರ ಮಾತು, ನಡೆನುಡಿಯು ಸಹ ಉನ್ನತ ಮಟ್ಟದಲ್ಲಿರುತ್ತದೆ. ಇವರು ಎಲ್ಲೆ ಇರಲಿ, ಹೇಗೆ ಇರಲಿ ತಾವು ಕಾಯ್ದುಕೊಂಡು ಬಂದ ಸ್ಥಾನವನ್ನು ಬಿಟ್ಟುಕೊಡುವುದಿಲ್ಲ. ಸಿಂಹ ರಾಶಿ ಪುರುಷರು ಹೆಚ್ಚು ಮಾತನಾಡುವುದಿಲ್ಲ ಆದರೆ ಇವರು ಆಡುವ ಮಾತುಗಳು ಸ್ಪಷ್ಟವಾಗಿ ಯೋಚನೆ ಮಾಡಿ ಮಾತನಾಡಿರುತ್ತಾರೆ. ಅವರು ತೆಗೆದುಕೊಳ್ಳುವ ನಿರ್ಧಾರ ಹಾಗೂ ಬೇರೆಯವರಿಗೆ ಕೊಡುವ ಸಲಹೆ ವೈಚಾರಿಕತೆಯಿಂದ ಕೂಡಿರುತ್ತದೆ. ಯಾವುದೆ ವಿಷಯದ ಬಗ್ಗೆಯಾದರೂ ಇವರು ತಿಳಿದುಕೊಂಡು ಯೋಚನೆ ಮಾಡಿ ಮಾತನಾಡುತ್ತಾರೆ.

ಸಿಂಹ ರಾಶಿಯ ಪುರುಷರು ಕಡಿಮೆ ಸ್ನೇಹಿತರನ್ನು ಹೊಂದಿರುತ್ತಾರೆ ಆದರೆ ಇರುವ ಸ್ನೇಹಿತರು ಇವರಂತೆ ಉತ್ತಮ ಜೀವನ ನಡೆಸುವವರಾಗುತ್ತಾರೆ. ಅವರು ತಮ್ಮ ಜೀವನವನ್ನು ವಿಶಾಲ ದೃಷ್ಟಿಕೋನದಿಂದ ನೋಡುತ್ತಾರೆ ಜೊತೆಗೆ ಅವರ ಯೋಚನೆಯು ಸಹ ಉನ್ನತ ಮಟ್ಟದಲ್ಲಿರುತ್ತದೆ. ಸಿಂಹ ರಾಶಿಯ ಪುರುಷರು ಜೀವನದಲ್ಲಿ ಎಂಥಹ ಸಮಸ್ಯೆ ಬಂದರೂ ಮೆಟ್ಟಿನಿಲ್ಲುವ ಸಾಮರ್ಥ್ಯವನ್ನು ಹೊಂದಿರುತ್ತಾರೆ. ಇವರು ತಮ್ಮ ಗುರಿಯನ್ನು ಸಾಧಿಸಲು ಎಷ್ಟೆ ಕಷ್ಟ ಬಂದರೂ ಹೆದರದೆ ಸಾಧಿಸುತ್ತಾರೆ. 12 ರಾಶಿಗಳಲ್ಲಿ ಸಿಂಹ ರಾಶಿಯಲ್ಲಿ ಜನಿಸಿದವರು ಹೆಚ್ಚು ಆತ್ಮವಿಶ್ವಾಸವನ್ನು ಹೊಂದಿರುತ್ತಾರೆ ಅಲ್ಲದೆ ಅವರು ಶ್ರಮಜೀವಿಗಳಾಗಿ ಗುರುತಿಸಿಕೊಳ್ಳುತ್ತಾರೆ. ಸಿಂಹ ರಾಶಿಯವರ ಆತ್ಮವಿಶ್ವಾಸ ಬೇರೆಯವರಿಗೆ ಓವರ್ ಕಾನ್ಫಿಡೆನ್ಸ್ ಅನಿಸುತ್ತದೆ ಆದರೆ ಸಿಂಹ ರಾಶಿಯ ಪುರುಷರಿಗೆ ಸ್ಪಷ್ಟವಾದ ಗುರಿ ಇದ್ದು ಅದರೆಡೆಗೆ ನಡೆಯುತ್ತಾರೆ. ಇವರನ್ನು ನೋಡಿದಾಗ ಸಾಮಾನ್ಯರಂತೆ ಕಾಣುತ್ತಾರೆ ಆದರೆ ಅವರು ಅಚಲವಾದ ಶಕ್ತಿಯನ್ನು ಹೊಂದಿರುತ್ತಾರೆ.

ಸಿಂಹರಾಶಿಯವರು ಧೈರ್ಯಶಾಲಿಗಳಾಗಿರುತ್ತಾರೆ ಈ ಗುಣದಿಂದ ಅವರು ನಾಯಕರಾಗಬಹುದು. ಅವರು ತಪ್ಪುಗಳನ್ನು ಎಂದಿಗೂ ಸಹಿಸಿಕೊಳ್ಳುವುದಿಲ್ಲ ತಪ್ಪು ನಡೆದಾಗ ಅದರ ವಿರುದ್ಧ ಸಿಡಿದೇಳುತ್ತಾರೆ. ಸಿಂಹ ರಾಶಿಯ ಪುರುಷರು ನೇರವಾಗಿ ಮಾತನಾಡುವ ಸ್ವಭಾವವನ್ನು ಹೊಂದಿರುತ್ತಾರೆ ಇದರಿಂದ ಅವರು ಬೇರೆಯವರಿಗೆ ದುರಹಂಕಾರಿ ಎಂದು ಅನಿಸುತ್ತದೆ. ಇವರ ವ್ಯಕ್ತಿತ್ವ ಪಾರದರ್ಶಕವಾಗಿದ್ದು ತಂತ್ರಗಾರಿಕೆ ಗೊತ್ತಿರುವುದಿಲ್ಲ. ಇವರು ಅವಮಾನವನ್ನು ಸಹಿಸಿ ಕೊಳ್ಳುವುದಿಲ್ಲ ಅವಮಾನ ಯಾರೆ ಮಾಡಿದರೂ ಅವರನ್ನು ಬಿಡುವುದಿಲ್ಲ. ಇವರೊಂದಿಗೆ ಶಾಂತರೀತಿಯಲ್ಲಿ ಮಾತನಾಡುವುದರಿಂದ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಬಹುದು 12 ರಾಶಿಗಳಲ್ಲಿ ಈ ರಾಶಿಯ ಪುರುಷರಲ್ಲಿ ಹೆಚ್ಚು ಕ್ಷಮಾಧಾನದ ಗುಣವಿರುತ್ತದೆ. ಒಮ್ಮೆ ಕ್ಷಮಿಸಿದ ವ್ಯಕ್ತಿಯನ್ನ ಜೀವನಪೂರ್ತಿ ಅವರು ಪ್ರೀತಿಯಿಂದ ನೋಡಿಕೊಳ್ಳುತ್ತಾರೆ. ಅವರು ಸಹಾಯ ಮಾಡುವ ಗುಣವನ್ನು ಕೂಡ ಹೊಂದಿರುತ್ತಾರೆ.

ಸಿಂಹ ರಾಶಿಯ ಪುರುಷರು ನೋಡಲು ಸುಂದರವಾಗಿದ್ದು ಆಕರ್ಷಕರಾಗಿರುತ್ತಾರೆ. ಈ ರಾಶಿಯ ಪುರುಷರೊಂದಿಗೆ ಸಂಬಂಧದಲ್ಲಿರುವವರು ಅವರನ್ನು ಪ್ರೀತಿಯಿಂದ ನೋಡಿಕೊಂಡರೆ ಜೀವನಪೂರ್ತಿ ಸಂತೋಷವಾಗಿಟ್ಟುಕೊಳ್ಳುತ್ತಾರೆ. ಸಿಂಹ ರಾಶಿಯ ಪುರುಷರು ಸಣ್ಣಪುಟ್ಟ ವಿಷಯದ ಬಗ್ಗೆ ಎಂದಿಗೂ ಗಮನಕೊಡುವುದಿಲ್ಲ. ಅವರು ವೃತ್ತಿ ಜೀವನದಲ್ಲಿ ಉತ್ತಮ ಆಯ್ಕೆ ಮಾಡುತ್ತಾರೆ. ಇವರು ಸಾಹಸಿಯೂ ಆಗಿರುತ್ತಾರೆ. ಉತ್ತಮ ಆಯ್ಕೆಯಿಂದ ಅವರ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಸಂಬಂಧದಲ್ಲಿ ಅವರು ಹೆಚ್ಚಿನ ಭಾವುಕತೆ ಹೊಂದಿರುವುದಿಲ್ಲ. ಅವರ ಸಂಗಾತಿ ಅವರೊಂದಿಗೆ ಹೊಂದಾಣಿಕೆ ಮಾಡಿಕೊಂಡರೆ ಜೀವನ ಸುಖವಾಗಿರುತ್ತದೆ. ಈ ರಾಶಿಯವರು ವೈವಾಹಿಕ ಜೀವನದ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು ಆಗ ಅವರ ಜೀವನ ಸಂತೋಷವಾಗಿ ಇರುತ್ತದೆ. ಈ ಮಾಹಿತಿಯನ್ನು ಸಿಂಹ ರಾಶಿಯವರಿಗೆ ತಿಳಿಸಿ.

Leave A Reply

Your email address will not be published.