Navaratri puja At Home: ನಮ್ಮ ಸಂಪ್ರದಾಯದ ಪ್ರಕಾರ, ಅನೇಕ ಮಂಗಳಕರ ಧಾರ್ಮಿಕ ಹಬ್ಬಗಳು ನಮ್ಮಲ್ಲಿ ಪ್ರಚಲಿತವಿವೆ. ಇದರಲ್ಲಿ ನವರಾತ್ರಿ ಅತ್ಯಂತ ಮಹತ್ವದ್ದಾಗಿದೆ. ಎಲ್ಲರೂ ನವರಾತ್ರಿಯನ್ನ ವಿಜೃಂಭಣೆಯಿಂದ ಆಚರಿಸುತ್ತಾರೆ. ದೇಶಾದ್ಯಂತ ನವರಾತ್ರಿ ಹಬ್ಬವನ್ನು ಬಹಳ ಶ್ರದ್ಧೆಯಿಂದ ಭಕ್ತಿಯಿಂದ ಎಲ್ಲರೂ ಆಚರಿಸುತ್ತಾರೆ. ನೀವು ಕೂಡ ನವರಾತ್ರಿ ಹಬ್ಬವನ್ನು ಮನೆಯಲ್ಲಿ ಆಚರಿಸಬೇಕು ಎಂದರೆ ಈ ವಿಧಾನಗಳನ್ನು ಅನುಸರಿಸುವುದರ ಮೂಲಕ ಸರಳವಾಗಿ ಹಾಗೂ ಸುಲಭವಾಗಿ ನೀವು ಮನೆಯಲ್ಲೇ ಆಚರಿಸಿಕೊಳ್ಳಬಹುದು. ಹಾಗಾದ್ರೆ ಇದರ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿಸಿಕೊಡುತ್ತೇವೆ ಪೂರ್ತಿ ಲೇಖನವನ್ನು ಓದಿ.
ಮೊದಲನೆಯದಾಗಿ ದುರ್ಗಾ ದೇವಿಯ ವಿಗ್ರಹ ಅಥವಾ ದುರ್ಗಾದೇವಿಯ ಪಟವನ್ನ ತೆಗೆದುಕೊಂಡು ಬನ್ನಿ. ಮನೆಯಲ್ಲಿಟ್ಟು ದುರ್ಗಾದೇವಿಯನ್ನು ಸ್ಥಾಪಿಸಬೇಕು ದೇವಿಯ ಮುಂದೆ ಒಂದು ಕಲಶವನ್ನು ಇರಿಸಿ. ಕೆಲಸದಲ್ಲಿ ನಾಣ್ಯಗಳು ಹಾಗೂ ಸ್ವಲ್ಪ ಅಕ್ಕಿ ಮತ್ತು ಅರಿಶಿಣ ಕುಂಕುಮವನ್ನು ಹಾಕಿ ಮೇಲೆ ತೆಂಗಿನಕಾಯಿಯನ್ನು ಇಟ್ಟು ಮಾವಿನ ಎಲೆಯನ್ನ ಇಡಬೇಕು. ನಂತರ ಅದರ ಮೇಲೆ ಹೂಗಳನ್ನ ಹಾಕಿ ಕೆಂಪು ಬಟ್ಟೆಯಿಂದ.
Navaratri puja At Home
ದೇವರ ಮುಂದೆ ದೀಪವನ್ನ ಬೆಳಗಿಸಿ, ಕಲಶವನ್ನು ಪೂಜಿಸಬೇಕು. ಧೂಪಾದಿಪದ್ರವ್ಯಗಳಿಂದ ಮತ್ತು ನೈವೇದ್ಯ ಹಾಗೂ ಆರತಿಯಿಂದ ದೇವರನ್ನು ಪೂಜೆ ಮಾಡಬೇಕು. ದುರ್ಗಾದೇವಿಯನ್ನ ಆ ವಾಹನೆ ಮಾಡಬೇಕು. ನಂತರ ದುರ್ಗಾದೇವಿಯ ಮಂತ್ರವನ್ನು ಪಠಿಸಿ, ದೇವಿಗೆ ನೈವೇದ್ಯವನ್ನ ಅರ್ಪಿಸಬೇಕು. ನಂತರ ಆರತಿಯನ್ನು ಮಾಡಿ ಮನೆಯ ಎಲ್ಲಾ ಸದಸ್ಯರು ಕೂಡ ದೇವಿಯ ಪೂಜೆಯಲ್ಲಿ ಪಾಲ್ಗೊಳ್ಳಬೇಕು ಹಾಡನ್ನು ಹಾಡಬೇಕು.
ನವರಾತ್ರಿ 9ನೇ ದಿನದಂದು ಕನ್ಯೆಯರನ್ನು ಕರೆದು ಪೂಜಿಸಿ ಅವರಿಗೆ ಬಾಗಿನವನ್ನು ನೀಡಬೇಕು. ಹಾಗೂ ಸಿಹಿಯನ್ನ ಕೊಟ್ಟು ಊಟವನ್ನು ಮಾಡಿಸಿ ಕಳುಹಿಸಿಕೊಡಬೇಕು ಸಣ್ಣ ಹೆಣ್ಣು ಮಕ್ಕಳು ಅಂದರೆ ದುರ್ಗಾ ದೇವಿಯ ರೂಪ ಎಂದು ಕರೆಯುತ್ತಾರೆ. 9 ದಿನದಲ್ಲಿ ಒಂದು ದಿನ ಈ ಸಣ್ಣ ಹೆಣ್ಣು ಮಕ್ಕಳನ್ನು ಕರೆದು ಅರಿಶಿಣ ಕುಂಕುಮವನ್ನು ಕೊಡುವುದರಿಂದ ದುರ್ಗೆಯು ಸಂತೃಪ್ತಿಗೊಳುತ್ತಾಳೆ. ಈ ರೀತಿಯಾಗಿ 9 ದಿನದ ನವರಾತ್ರಿ ಪೂಜೆಯನ್ನು ಸರಳವಾಗಿ ನಾವು ಮನೆಯಲ್ಲೇ ಆಚರಿಸಿಕೊಳ್ಳಬಹುದು. ನಮ್ಮ ಮಾಹಿತಿ ಇಷ್ಟವಾದಲ್ಲಿ ಲೈಕ್ ಮಾಡಿ ಹಾಗೂ ಶೇರ್ ಮಾಡಿ.