ವೃಶ್ಚಿಕ ರಾಶಿಯ 2 ಮತ್ತು 3 ನೇ ಮನೆಗಳಲ್ಲಿ ಗುರು ಇರಲಿದ್ದಾನೆ. 3 ನೇ ಮನೆಯಲ್ಲಿ ಶನಿ ಮತ್ತು ಗುರು ಪರಿಣಾಮದಿಂದಾಗಿ ಈ ವರ್ಷ ವೃಶ್ಚಿಕರಾಶಿಗೆ ತುಂಬಾ ಒಳ್ಳೆಯದು. ಇವರು ಆರ್ಥಿಕ ಲಾಭಗಳನ್ನು, ಉತ್ತಮ ಹೆಸರು ಮತ್ತು ಖ್ಯಾತಿಯನ್ನು ಹೊಂದುತ್ತಾರೆ.ಹಿಂದೂ ಪಂಚಾಂಗದ 2020-2021ರ ವರ್ಷವು ಶಾರ್ವರಿ ನಾಮ ಸಂವತ್ಸರ. ಇದು ಮಾರ್ಚ್ 25, 2020 ಯುಗಾದಿಯಂದು ಪ್ರಾರಂಭವಾಗಿ, 12 ಏಪ್ರಿಲ್ 2021 ರಂದು ಕೊನೆಗೊಳ್ಳುತ್ತದೆ. ವೃಶ್ಚಿಕ ರಾಶಿ, ಹಿಂದೂ ಜ್ಯೋತಿಷ್ಯದ ಹನ್ನೆರಡು ರಾಶಿ ವ್ಯವಸ್ಥೆಗಳಲ್ಲಿ ಎಂಟನೆಯದು
ಗುರು ಗ್ರಹವು 2020 ರ ಮಾರ್ಚ್ 29 ರಿಂದ 2020 ರ ಜೂನ್ 30 ರವರೆಗೆ 3 ನೇ ಮನೆಯಲ್ಲಿ ಇರಲಿದ್ದಾನೆ. 30 ಜೂನ್ 2020 ರಿಂದ 20 ನವೆಂಬರ್ 2020 ರವರೆಗೆ 2 ನೇ ಮನೆಯಲ್ಲಿ ಇರುತ್ತಾನೆ. ಉಳಿದ ವರ್ಷ, 3 ನೇ ಮನೆಯನ್ನು ಆಳಲಿದ್ದಾನೆ. ವರ್ಷ ಪೂರ್ತಿ ಶನಿ 3 ನೇ ಮನೆಯಲ್ಲಿ ಇರುತ್ತಾನೆ. ರಾಹುವು 8 ಸೆಪ್ಟೆಂಬರ್ 2020 ರಿಂದ ಸೆಪ್ಟೆಂಬರ್ 23 ರವರೆಗೆ ಮತ್ತು ನಂತರ, ವರ್ಷದ ಅಂತ್ಯದವರೆಗೆ 7 ನೇ ಮನೆಯಲ್ಲಿರುತ್ತಾನೆ. ಕೇತು 2020 ರ ಸೆಪ್ಟೆಂಬರ್ 23 ರವರೆಗೆ 2 ನೇ ಮನೆಯಲ್ಲಿ ಮತ್ತು ನಂತರ ವರ್ಷದ ಅಂತ್ಯದವರೆಗೆ 1 ನೇ ಮನೆಯಲ್ಲಿರುತ್ತಾನೆ. ಈ ವರ್ಷ ವೃಶ್ಚಿಕ ರಾಶಿಯ 2 ಮತ್ತು 3 ನೇ ಮನೆಗಳಲ್ಲಿ ಗುರು ಇರಲಿದ್ದಾನೆ. 3 ನೇ ಮನೆಯಲ್ಲಿ ಶನಿ ಮತ್ತು ಗುರು ಪರಿಣಾಮದಿಂದಾಗಿ ಈ ವರ್ಷ ವೃಶ್ಚಿಕರಾಶಿಗೆ ತುಂಬಾ ಒಳ್ಳೆಯದು. ಇವರು ಆರ್ಥಿಕ ಲಾಭಗಳನ್ನು, ಉತ್ತಮ ಹೆಸರು ಮತ್ತು ಖ್ಯಾತಿಯನ್ನು ಹೊಂದುತ್ತಾರೆ. ಹಾಗೆಯೇ ವೃಶ್ಚಿಕ ರಾಶಿಗೆ ರಾಹು 7 ನೇ ಮನೆಯಲ್ಲಿದ್ದು, ಕೇತು 1 ನೇ ಮನೆಯಲ್ಲಿರುವುದರಿಂದ ವೃತ್ತಿ, ಕುಟುಂಬ ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದಂತೆ ಈ ವರ್ಷವು ಉತ್ತಮವಾಗಿದೆ.ಈ ವರ್ಷದಲ್ಲಿ ವೃಶ್ಚಿಕ ರಾಶಿಯವರಿಗೆ ಖರ್ಚು ಕಡಿಮೆ ಇರುತ್ತದೆ. ಗಳಿಕೆಯೂ ಅಷ್ಟಾಗಿರದೇ ಸರಾಸರಿ ಇರುತ್ತದೆ. ಇವರ ಆರ್ಥಿಕ ಸ್ಥಿತಿ, ಸಂಗಾತಿಯೊಂದಿಗೆ ಜೀವನವೂ ಉತ್ತಮವಾಗಿರುತ್ತದೆ. ವೃಶ್ಚಿಕ ರಾಶಿಯವರ ಜಾತಕದ ಪ್ರಕಾರ, ಕೆಲವು ಪ್ರಮುಖ ಕಾರ್ಯಗಳನ್ನು ಪ್ರಾರಂಭಿಸಿ ಪೂರ್ಣಗೊಳಿಸಲು ಈ ವರ್ಷ ಅನುಕೂಲಕರವಾಗಿದೆ. ಕಳೆದ ವರ್ಷ ಅಥವಾ ಅದಕ್ಕಿಂತಲೂ ಹೆಚ್ಚು ಕಾಲ ಇವರು ಅನುಭವಿಸುತ್ತಿದ್ದ ನೋವಿನಿಂದ ಹೊರಬರಲು ಇದು ಸುಸಮಯ. ಈ ವರ್ಷದಲ್ಲಿ ವೃಶ್ಚಿಕ ರಾಶಿಯವರು ಜೀವನದ ಹೊಸ ಹಂತವನ್ನು ಪ್ರವೇಶಿಸಲಿದ್ದಾರೆ. ಇದು ಅವರ ದುಃಖ ನಿವಾರಿಸಲಿದೆ.
ವೃಶ್ಚಿಕ ರಾಶಿಯವರು ತಮ್ಮ ಆರ್ಥಿಕ ಸ್ಥಿತಿಯನ್ನು ಹೆಚ್ಚಿಸಲು ಅನೇಕ ಮಾರ್ಗಗಳನ್ನು ಅನುಸರಿಸುತ್ತಿದ್ದಾರೆ. ಖರ್ಚು ಮತ್ತು ಉಳಿತಾಯವನ್ನು ಯೋಜಿಸಿ, ಹಣಕಾಸಿನ ಪಾರದರ್ಶಕತೆ ತರಲು ಶ್ರಮಿಸುತ್ತಿದ್ದಾರೆ. ಹಾಗೆಯೇ ಈ ವರ್ಷ ಮಂಗಳನ ಸ್ಥಾನ ಪಲ್ಲಟಗಳಿಂದ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸದೃಢರಾಗುತ್ತಾರೆ. ರಾಹು,ಕೇತುಗೆ ಶಾಂತಿ ಪೂಜೆ ಮಾಡಿಸಿ.ಗಣೇಶ ದೇವಾಲಯಗಳಿಗೆ ಭೇಟಿ ನೀಡಿ, ಸಂಕಷ್ಟ ಚತುರ್ಥಿ ವ್ರತವನ್ನು ಶ್ರದ್ಧೆಯಿಂದ ಮಾಡಿ.ಬಡ ವಿದ್ಯಾರ್ಥಿಗಳಿಗೆ ಸಹಾಯ ಮಾಡಿ. ಅವರಿಗೆ ಪುಸ್ತಕಗಳನ್ನು, ಪೆನ್ನುಗಳನ್ನು ಖರೀದಿಸಿ ಕೊಡಿ.